甜入心 (已結業)

食完飯去散步，突然好想食甜野，又唔想食大型連鎖店，經過呢間糖水舖，發覺裝修幾靚，於是就入去試下。入到去睇睇menu，見到到佢甜品嘅名稱都幾特別，有好多新款嘅甜品，我地就叫咗焦糖布甸椰皇子同埋紫許有你最後發現原黎淘大住戶同埋學生可以有9折，如果想試有特色嘅甜野可以去試試紫許有你：一上到枱都唔係太知入面有乜，淨係知道有芋丸同紫薯“雪糕”，但食落先發現個“雪糕”原黎係個紫薯波波，啖啖紫薯味，食食下先發現下面有豆腐花，側邊仲有好似蒟蒻嘅野。口感好豐富，芋丸都好香好彈牙焦糖布甸椰皇子：焦糖布甸藏咗喺椰子殼入面，而側邊都係椰奶，飲完椰奶，會見到下面係椰青水嘅布丁，雖然焦糖布甸嘅味道唔係好重，但係撈埋椰奶椰青水布甸一齊食真係幾夾幾吸引，鍾意椰青水嘅朋友可以試下