雲南啊老表黑山羊湯鍋米綫 (已搬遷) 新店位置

佐敦上海街一帶，我成日幾過，亦係我成日揾食既地方。果晚同個FD見到一間以「羊」為賣點既米線店，大家又食「羊」，加上價錢實惠，決定試下新野。入得去梗係「羊肉米線」啦!阿姐話俾我地知米線分「有皮」同「無皮」，我覺得有皮好食D，所以選擇左「清湯有皮羊肉米線」。我地都係叫「細碗」，但真係一D都唔「細」，佢既份量係出面既加大碗了，女生極可能食唔晒!!佢隻「大碗」堅大，如果要食晒，我會視佢為挑戰!米線羊肉的份量不少，一看已經是煮得很軟的樣子，咬下去果然不錯，不會韌，羊肉傳來一點點騷味，如果好羊的，會喜歡!米線的湯很清，喝下去有一點點肉味，也有用來去騷味的香料味，喝多也不會口乾。我喜歡米線煮得較軟，這裡正合我口味。我們還叫了「拍青瓜」及「口水雞」2款小食。拍青瓜真的是「拍」，從青瓜的形態看得出來，青瓜口感清爽，帶一點點辣，不錯。口水雞味道好，雞肉也夠滑，但不夠辣（其實我算吃得辣），可惜雞件也切得有點碎，賣相可以好一點！當米線充斥市面，大多只時鬥湯底，黑羊米線我認為真係夠特色，可以讓人回頭。價錢實惠，質素不錯，這類小店，我肯定會多支持。