119 Plus (已結業)

好少會黎上環呢頭，但見最近呢度有新野就黎左呢度試菠蘿Hatai Rita($38)，一坐底就先嗌野飲，呢個個樣幾搞笑，同平時出面韓國餐廳既唔同，佢係成個罐係杯野飲入面，呢個其實似菠蘿汽水，飲落有菠蘿味之餘唔會太甜，底仲有d柚子係度，令成杯野更加好飲。好味指數：7/10爆芝煙肉($78)，「爆芝」完全能夠形容得到呢件「三文治」，外層係一塊塊煙肉包住，中間有麵包，最中間就係熱熔芝士，一上碟就見到爆哂出黎，咬一啖大家相當夾，但食多幾啖就會覺得膩。好味指數：6.5/10芝士既成員仲有醬燒芝士排骨($148)，呢個芝士排骨就梗係要將芝士卷起排骨拎黎影啦，睇落相當邪惡而且heavy，食落完全感受得到，過於肥膩，排骨肉離骨而且淋，但味道就認真麻麻，排骨味過淡，中規中矩。好味指數：5.5/10重頭戲鐵錘炸醬麵($88)終於黎啦，呢個鐵錘炸醬麵之前係running man見過劉在石食，估唔到係香港都會食到，先用鐵錘打爛外面既脆片，再食入面既炸醬麵，炸醬麵味道無咩特別，而且唔係menu所講既辣，有少少失望，但個脆片有加番d分。好味指數：6/10窮遊指數：6.5/10