喜聚坊

營業中

休息中

晏晝嚟到公司附近呢間喜聚坊食午飯，門面係一般餐廳嘅佈置，內籠同其他普通茶餐廳差唔多。可能係因為到咗放飯時間，裏面其實都坐到七七八八，睇黎呢間舖頭平時都有好多人會幫襯。見到佢個餐單有竹筒飯，就好好奇咁樣嗌咗個土魷蒸肉餅飯試下。上菜速度都算快，十分鐘內左右就送到，個飯個碗既賣相就見錯嘅，成個竹筒擺喺你面前，真係幾特別。係塊肉餅就咁放喺面度蒸有啲肉酸。食落口其實味道正常，唔會話好乾，咬落去會有肉汁。個飯就喺個竹筒裏面，不過其實就食唔到啲竹味嘅，只係將個竹筒當咗做個碗用啫，個竹筒係噱頭嚟。份量其實就偏少嘅 ，一眼睇曬個竹筒有幾大啲飯量就幾少。因為份量嘅關係其實個價錢唔算抵食。