船皇 (厚福街) (已結業)

尖沙咀厚福街一向都出名多嘢食，今日嚟咗試呢間泰式船麵～我點了最多餸的船皇湯麵，仲可以加一蚊轉和牛片～ 加八蚊可以配任何飲品，我就要了泰式紅豆冰船皇湯麵上菜的時候幾香，湯底好清唔油膩，同時非常之濃郁，帶點甜味～原來係用了牛骨和豬血等材料熬製八小時煲成的，唔怪得之咁濃！湯底好好飲～雖然大碗睇落唔算大，但食落都幾多麵。各樣材料都好入味，炸豬皮鬆脆唔油膩，簡單又滋味～最驚喜係泰式紅豆冰，竟然係一碗咁上，份量好多，好夠凍，好似食糖水咁！而且甜度剛好岩哂我！又有椰奶的香味，和紅豆的豆沙味！非常高質！