悅園美食 (已結業)

嚟到荃灣西鐵朋友買嘢之後一齊去搵野食，行下行下揀咗呢一間茶餐廳，我叫咗碟乾炒牛河，飲凍檸茶。因為係午餐時間，食飯嘅人都唔少，因為呢度嘅位唔多所以都坐得幾迫下，雖然人多但係 廚師煮嘢都幾快手 話咁快啲乾炒牛河就嚟咗喇食乾炒牛河最緊要係要夠鑊氣，呢乾炒牛河岩岩炒起好熱，調色好靚，唔會太油亦都唔會太濕，而且好夠鑊氣 牛肉嫩滑，好入味。 可以用色香味俱全力形容凍檸茶紅茶味重， 唔會一味得個甜字係值得返轉頭嘅茶餐廳！