Ocio (煙廠街) (已結業)

朋友話想食All-day Breakfast，上網見到推介呢間，位置就腳，價錢唔太貴，而且特別之處係有甜食。奧斯特選全日早餐 $89 有炒蛋，蕃茄，雞扒，芝士腸，巴拿馬火腿，茄汁豆，薯條，沙律菜以及窩夫配蜜糖。食材豐富之餘，質素都幾好。炒蛋夠滑，蕃茄Juicy，芝士腸爆汁，雞扒煎到少少燶，但都算皮脆肉滑，薯條份量多又脆口，窩夫點蜜糖好夾，呢隻蜜糖好好味，唔會封喉或過甜，我連薯條都點埋蜜糖食。唔夠飽既朋友建議加$19配件蛋糕，賣相唔錯。不過我飲埋杯凍檸茶已經非常滿足，所以無試。