東京一番 (已結業)

今日約左個好耐無見既朋友等佢收工食飯，我地一早約好左食放題因為大家都好鐘意食刺身！我同事之前介紹左間係長沙灣既放題，話有得加單任食生蠔鮑魚！所以我地專登book左呢間去食！$68蚊，任食！好抵呀！我地有加到單！超正囉，鮑魚同生蠔都好大隻，鮑魚好好味又彈牙！生蠔係大隻都好肥美（佢係無沖走海水味）真係超級抵！仲要任食！呢到仲有梅酒清酒比你飲～我地兩個都攞左！本人就鐘意飲梅酒多d！侍應話瀨尿蝦呢樣係新既，佢問我地試唔試下！我地叫左黎食，好易剝，肉唔痴殼都有一大舊仔食！唔錯！唔會乾身，肉唔會'鞋'！呢到都幾多野食係同平時放題唔同，價錢都算平！仲有呢個優惠啵男女男一位免費，好得意！八卦望下都有幾張枱都係呢個組合！咁咪好抵囉三個人食比兩個人價錢！呢間野一定會再黎食！同事果然無介紹錯！