千樂燒味餐室

營業中

休息中

年頭食過千樂，今晚約齊飯腳再嚟幫襯，極之期待，冇失水準，兼喜出望外。每人百幾蚊，超級無敵抵食。龍躉骨白菜豆腐湯海中之龍 養顏 兼重骨膠原。邊會諗到係街坊小店飲到滋補湯水，入口鮮甜無比，果然係足料靚湯。清蒸龍躉頭腩龍躉骨熬湯，頭腩用嚟蒸最啱數，魚雲肉質最嫩滑，唔單止鮮味咁簡單，以「鱻」去形容更貼切，伴粉絲索汁，絕配。靚食材難覓，買手應記一功，眼光頂瓜瓜。西蘭花炒龍躉腩一魚三吃，各有各精彩。啖啖鮮味，肉嫩油豐，入口即感漁油膠質脂香滿溢，份量又足，極抵食。黄金茄子上回試吃，念念不忘，今天再點，沒失水準，成為必點菜式。薯仔爆炒牛柳粉上菜香氣四溢，鑊氣十足，味道一流。人氣燒鵝王在千樂點菜，燒味一向穩陣，燒鵝必點下庄，肉嫩皮脆，水準之上。脆皮燒乳豬外皮卜卜脆酥香，脆不膩口，配嫩嫩乳豬肉，忍唔住，夾完即再夾。海蜇拼青瓜未到齊人，最啱食開胃菜，青瓜新鮮，海蜇爽脆，微微地辣，開胃醒神。