小桃咖啡室 (已結業)

其實麻麻地鍾意去銅鑼灣, 因為好多人, 而且有時想搵問野坐低傾下計都未必有位, 就算有位, 都好鬼嘈。嗰日兩個friend 約我, 話不如約 cwb, 我真心唔想。佢哋話而家好多樓上餐廳專做啲特色野，佢地話唔貴的，咁我就，唉，算啦。去！嗰間野叫做小桃，上到去我真心有Ｄ驚訝，因為原來有個露台，好近咁對住 Time Square。係對到正！感覺好正！影出嚟啲相背景係勁有型！而且佢的環境令我收咗聲，唔係好多枱，靜靜地傾到計，正！好，講下野食，佢原來都有Ｄ攞獎野，佢個ribs定要試，入味但唔會太咸，我好憎Ｄ野好多味精，佢唔會。另外好好味的係個蜜糖雞翼，我哋個個都想食埋人地嗰隻！哈！野飲呢，個待應姐姐話，可以為我哋調一杯特製飲品，我哋驚伏，所以問：係咩嚟架？佢話會睇佢心情，我哋笑到碌地，但沖出嚟杯野，好得，係特別的，同好玩囉。Surprise 嘛。我覺得呢間野值得去架！