Taste Well

營業中

休息中

今日揀咗間餐廳食個午餐，其實餐牌入邊好多菜式都係有肉類嘅，不過我就係睇中呢款蕃茄醬雜菜意大利粉，午餐包括左一個餐湯或者沙律，我就揀咗雜菜沙律。細細碗沙律配咗少少酸汁同埋橄欖油，蔬菜係好新鮮，好爽脆。主菜係素食，濃濃嘅蕃茄醬，加入好多種唔同嘅蔬菜，例如冬菇片、紅蘿蔔、翠玉瓜、蕃茄、西蘭花、粟米芯等等。意粉嘅質感好好，唔會煮得太林，好有口感，不過蔬菜太多，一次過食咁多蔬菜入口，真係有少少水汪汪嘅感覺，但係就覺得健康。餐飲方面，我加錢揀咗熱朱古力咖啡，咖啡味好重，唔多覺有朱古力味，而且份量比較細杯。餐廳裝修好精緻，佐敦比較少呢類型嘅餐廳，座位比較寬敞、有大玻璃窗，好開陽，再加上舖頭其中一個角落係一個花店，感覺好清新。不過價錢偏貴，午餐都要百幾蚊一位，性價比唔高。