緣聚西日餐廳 (西裕街) (已結業)

近排愛上了食日式放題，款式多，不用想太多，已經試過了屯門緣聚的放題，今次第一次試元朗的放題。 點餐用自己手機嘟QR Code都好方便，種類大致跟屯門的放題差不多，不過感覺元朗的比較新鮮，因為在外面自取的食物種類較多，有爆谷機是最令我欣賞的地方，焦糖均勻地佈滿着每一粒爆谷，香甜又香脆，非常可口，前菜都是中華沙律，螺肉，八爪魚等等，另外可以打邊爐，有不同的蔬菜菌類丸類可以選擇，又可以食唔同嘅炸物，新鮮炸起熱辣辣又不會太乾，特別是炸牛奶，外脆內軟，很滑和奶香味，刺身和壽司又好新鮮沒有雪味，甜蝦大隻新鮮沒有霉嘅感覺，帶子鮮甜，鮑片爽口，海螺彈牙有口感，好有海水鮮味， 飲品款式多，我比較欣賞無糖系列的烏龍茶，感覺不會太肥膩，食了炸物又可以解膩