影片
更多
2018-02-09
1491 瀏覽
Happy Friday!Lunch同同事去佐敦尋找美食！佐敦一帶的横街多了很多美食小店，不愁無野食，係煩唔知食咩好。一路搜尋，行過有緣小敘見到一路有人行入去，就決定試一試佢！店舖雖小，但也坐得舒適，我地一行三人咁岩搵到個卡位！睇下Menu 有咩食就發現有個麵個名好有趣，完全唔識讀，睇圖又似係闊麵咁，見到附近嘅人都食佢，一於試試佢。經侍應姨姨介紹原來叫麵，我地三個人，各自叫了一個麵，包括一個韭菜餃麵(小辣)($42),一個唔記得咩餃麵(唔辣),我就食羊肉餃麵(微辣)($52)可能Lunch時間都多人，都要等一陣先上菜，開頭見佢色水好似好白，仲以為會好清好淡，姨姨見我地好疑惑就話要搞混佢黎食。碗麵入面有乾紫菜，蒜，生菜，辣醬仲有d好似木耳的東西。搞混之後就發現另一個世界！麵係完整一大條咁上，非常厚身，而因為醬汁很足夠，成條麵都掛上醬汁，十分香口，加上乾紫菜等等的配料，單吃麵也不會單調。而我點了的羊肉餃也十分足料，有滿滿的羊肉和葱花，有羊香味但不會羶，吃下去也有湯汁，不會乾乾的，很好吃，只是一碗只有兩粒不夠喉！同行同事很喜歡食韭菜餃，評價這裡的韭菜餃也不錯！可以再Encore!開初見到碗麵
Lunch同同事去佐敦尋找美食！佐敦一帶的横街多了很多美食小店，不愁無野食，係煩唔知食咩好。一路搜尋，行過有緣小敘見到一路有人行入去，就決定試一試佢！
店舖雖小，但也坐得舒適，我地一行三人咁岩搵到個卡位！睇下Menu 有咩食就發現有個麵個名好有趣，完全唔識讀，睇圖又似係闊麵咁，見到附近嘅人都食佢，一於試試佢。
經侍應姨姨介紹原來叫[餅餅]麵，我地三個人，各自叫了一個麵，包括一個韭菜餃麵(小辣)($42),一個唔記得咩餃麵(唔辣),我就食羊肉餃麵(微辣)($52)
可能Lunch時間都多人，都要等一陣先上菜，開頭見佢色水好似好白，仲以為會好清好淡，姨姨見我地好疑惑就話要搞混佢黎食。
碗麵入面有乾紫菜，蒜，生菜，辣醬仲有d好似木耳的東西。
搞混之後就發現另一個世界！[餅餅]麵係完整一大條咁上，非常厚身，而因為醬汁很足夠，成條麵都掛上醬汁，十分香口，加上乾紫菜等等的配料，單吃麵也不會單調。
而我點了的羊肉餃也十分足料，有滿滿的羊肉和葱花，有羊香味但不會羶，吃下去也有湯汁，不會乾乾的，很好吃，只是一碗只有兩粒不夠喉！
同行同事很喜歡食韭菜餃，評價這裡的韭菜餃也不錯！可以再Encore!
開初見到碗麵算細碗，擔心會吃不飽，但可能成塊成塊麵咁食，食到最後都幾飽。
整體來說味道很濃，到下午仍會有陣味飄出黎，喜歡吃濃味的朋友會很岩口味，價錢也合理！
張貼
