Lab Eat Bistro (豉油街) (已結業)

通常同朋友食嘢選中間位都會去旺角，網上又畀我哋發掘到呢間好似唔錯，有半自助餐，於是就去試下。呢度嘅半自助包一個主食，其他有海鮮，甜品，沙律喺出面自由選擇係可以任食嘅。🍽️🍚主菜方面：🐷豬肋骨分量好大嚿，上面仲有香草，未食都聞到香味。成嚿都啖啖肉好惹味，點埋個燒烤醬就一流。下面仲有薯條，所以都好飽肚。🐂牛腰扒有兩大塊，切開咗裏面粉嫩嘅顏色真係好吸引。佢係略略烤過嘅風味，食落去非常之鮮嫩又多汁。就咁唔點醬汁都已經好好味。任食方面都有好多選擇嘅，咁我哋當然選性價比最高嘅海鮮啦。試咗佢嘅大蝦、青口，都幾大隻，質素算係ok。🌊其實佢主菜份量都好夠，但如果係大胃王嘅話就更加值得一試！🐘🐘