鮨心 (已搬遷) 新店位置

最近成日同老婆，經網站訂枱食飯，貪有5折。尋晚又訂枱，黎呢間喺旺角頗高級嘅日本料理食飯。一進場，由經理帶埋位，兩個人坐嘅位逼到大排檔咁，唔緊要喇，我同老婆都係啲老粗，去慣大排擋。食物頗多選擇，賣相亦唔錯，但食材真係好一般，叫左碟7式刺身，七款各兩件，啱啱好。但食材真係普通，三文魚吞拿都係cheap嘢，花觸都冇，只係牡丹。金目鯛有渣，唉！壽司🍣叫左海膽同拖羅生蠔，一放上枱好有睇頭，但海膽味道好淡，唔得鮮甜。拖羅有渣。生蠔好cream，味道唔多像廣島蠔。天婦羅正常，粉槳算薄，過得去。鰻魚蛋包飯整得幾好味，鰻魚應該係大佬貨色，淋淋地，入口即散。最後要提到服務，真真衰要多多改善，經理態無禮，衰過去大排檔，可能有啲大排擋會仲好。如果用正價去食呢餐，我會揼到爆裂，5折食左720，算係咁。