魔膳廚房 (已結業)

臨急臨忙係觀塘覓食，想搵大眾化價錢嘅西餐，在開飯網見到呢間，有得訂枱又有優惠！好評多，就試試吧！可能太急訂枱，所以安排坐位唔太好！算了吧！鬼叫自己急！睇一睇歺牌，價格跟網頁上唔同! 心一沉，以為中伏，睇清楚後先知係聖誕餐，之後幾頁係正常餐牌，點了牛及魚。由於開飯網訂枱送沙律自助。對於沙律自助深表失望！選擇不多，菠蘿冇味！餐包有提子，熱辢辢，好味。但餐湯就唔熱。主菜西冷牛及配菜是合理期望，三文魚就覺得味道怪怪，不知是魚質或是調味問題。最後的餐茶，咖啡十分好。但我唔明點解要加餞？零茶十分差，飲了1/3杯。整體而言：食物及環境有落差，服務算殷勤，但應該冇下次！