緣聚西日餐廳 (西裕街) (已結業)

好耐冇食過放題，去開元朗就不如試下呢間放題。話明放題，梗係乜都有D，我地又乜都試下先。呢度既長腳蟹同生蠔可以加錢任食，不過淨係夜晚先有。個盤放得好靚，長腳蟹都多肉，生蠔亦新鮮。叫左D刺身，食落都新鮮，我最欣賞象拔蚌，好脆好爽口。竟然有蟹粥食，粥夠綿，亦好夠味。雞翼尖有蒜香辣味，唔太辣，呢個辣度最討好。牛肉烏冬就清清地，肥牛同烏冬份量比例都ok。壽司大小剛好一口食晒，唔怕大大舊飯係個口度。飲品都係隨便自己攞，有我最愛既支裝維他奶，仲係暖架。