堅離地冰室

營業中

休息中

叫冰室通常都係食港式茶餐廳嘅嘢，但係呢間竟然係食平民價西餐，唔怪之得叫堅離地冰室啦😆但係價錢又唔離地㗎喎，我哋今次試咗兩款嘢食都OK唔錯。羅宋湯跟餐嘅羅宋湯好足料，有西芹、椰菜、紅蘿蔔、番茄，味道濃洧，個酸味好醒胃。威靈頓牛柳$128冇睇錯，冰室竟然有威靈頓牛柳，仲要係呢個價錢？上枱個樣又似模似樣喎，酥皮焗得金金黃黃，香噴噴好吸引，切開牛柳熟度係我指定嘅五成熟，肉質粉嫩粉嫩充滿肉汁，食落口感柔軟，配上蘑菇燒汁同埋香脆薯條同埋蔬菜，幾好幾好。香煎刺身帶子南瓜茸燴意大利飯$103呢個意大利粉芝士控一定鍾意，多芝士到呢…意大利飯加咗南瓜蓉配上芝士忌廉醬汁，口感Creamy，味道好好。有三隻大帶子，煎得表面金黃焦香，切開裏面係半熟嘅程度，火候啱啱好，好柔軟。