影片
更多
2022-09-10
33 瀏覽
今日去位於銅鑼灣嘅壽司鋪一嚐佢地嘅omakase！午市除咗頭盤同甜品，主題當然係6款刺身加6款壽司！講食物前可以一讚呢到嘅上菜速度，因為我都唔算食得快，有時有啲omakase食到會令人覺得有啲急，似趕下場咁，呢到嘅侍應同師傅會因應我嘅速度去做上菜嘅調整，十分細心！前菜係黑醋沙律，加上特製嘅炸蒜，同平時食開嘅沙律完全唔同感覺，勁清新開胃！下一道係茶碗蒸，入面材料豐富，有木耳、銀杏、燒年糕、冬菇，加上小貝薯汁同柚子皮，食落都好fresh！之後就開始進入主題，首先係左口魚薄切，配炙燒左口魚邊，左口魚刺身上面有竹炭鹽，用魚包裹住紫蘇葉花再點上柚子酸汁一齊食，作為第一道主菜，有點綴嘅作用；同刺身味道相反，燒左口魚邊口感肥美，炙燒帶出油脂感，入口即化，同之前嘅比較有味覺嘅衝擊休息一陣，師傅就接住就上咗道日本北海道蠔，蠔預先剝好再用冰水保鮮，係上碟之前放入清潔乾淨嘅蠔殼入面作裝飾，上面配上柚子皮同青檸汁，蠔本身唔重海水味，但係十分creamy！味道唔算好濃，但蠔味十分香！再黎嘅石垣貝係黎至岩手縣，上面加上岩鹽同青檸汁，食落口清新鮮甜，岩鹽帶出淡淡嘅肉香！接住嘅係和風醬油漬燒帶子，刺身級嘅帶子嘅甜香配
講食物前可以一讚呢到嘅上菜速度，因為我都唔算食得快，有時有啲omakase食到會令人覺得有啲急，似趕下場咁，呢到嘅侍應同師傅會因應我嘅速度去做上菜嘅調整，十分細心！
前菜係黑醋沙律，加上特製嘅炸蒜，同平時食開嘅沙律完全唔同感覺，勁清新開胃！
下一道係茶碗蒸，入面材料豐富，有木耳、銀杏、燒年糕、冬菇，加上小貝薯汁同柚子皮，食落都好fresh！
之後就開始進入主題，首先係左口魚薄切，配炙燒左口魚邊，左口魚刺身上面有竹炭鹽，用魚包裹住紫蘇葉花再點上柚子酸汁一齊食，作為第一道主菜，有點綴嘅作用；同刺身味道相反，燒左口魚邊口感肥美，炙燒帶出油脂感，入口即化，同之前嘅比較有味覺嘅衝擊
休息一陣，師傅就接住就上咗道日本北海道蠔，蠔預先剝好再用冰水保鮮，係上碟之前放入清潔乾淨嘅蠔殼入面作裝飾，上面配上柚子皮同青檸汁，蠔本身唔重海水味，但係十分creamy！味道唔算好濃，但蠔味十分香！
再黎嘅石垣貝係黎至岩手縣，上面加上岩鹽同青檸汁，食落口清新鮮甜，岩鹽帶出淡淡嘅肉香！
接住嘅係和風醬油漬燒帶子，刺身級嘅帶子嘅甜香配上紫菜嘅爽脆香口，兩者十分匹配！
突然師傅拎出成個細路咁高嘅北海道八爪魚，嚇到我即刻打卡(*ˉ︶ˉ*)八爪魚以慢煮兩小時製成，配上小小小許（ps師傅強調）柚子胡椒醬蘿蔔，好彈牙好好食！
再之後係煙燻鰹魚，用禾稈草煙燻，配上炸蔥絲同啫喱醋，夾埋一齊食好特別，有多嘅啫喱加埋海帶一齊食，用黎清味蕾迎接之後嘅壽司！
第一款係鯛魚壽司，配上由麵豉、葫蘆瓜同三星米混合而成嘅醬汁，兩者都係清甜，好夾！
第二款係呢到嘅signature之一！甜蝦四重奏！四重係因為有四層蝦！甜蝦開邊做底、中間夾住甜蝦蓉、再上一層係甜蝦蝦膏、最頂層就係炒香咗嘅櫻花蝦粉，甜蝦真係好甜，作為signature係當之無愧！
第三款係醬油漬吞拿魚壽司，上面有啲芝麻碎同紫蘇葉花，配襯住吞拿魚嘅鮮味
第四款係金木鯛壽司，金木鯛係用三日黎到熟成，熟成嘅程度啱啱好，肉質柔嫩，配上炒香嘅烏魚子碎，香口又好食！
第五款係中吞拿魚腩，呢款簡單而暴力，一個字好好食，少筋，入口即溶！
最後就係馬糞海膽杯，配上風乾紫菜碎，海膽聞落好香，食落更加係好鮮好甜，完全冇澀味苦味，食得出係好優質嘅海膽，大推！
最後侍應上咗碗麵豉湯，等口腔可以休息下同暖下個人，同出面嘅麵豉湯完全唔係一個層次，可能係加咗大量嘅生海帶，同埋有滑子菇，成個湯係鮮甜，果然係新鮮熬製！
估唔到最後仲有個signature！師傳
用火不斷燒吞拿魚的脂肪，我嘅口水就好似啲吞拿魚嘅油脂，佢一滴我一滴(˶‾᷄ ⁻̫ ‾᷅˵)之後師傅將碗內嘅材料拌勻，飯入面有赤身碎、京蔥、天婦羅麵衣、拖羅蓉、芝麻、葱同埋啱啱提到嘅吞拿魚魚油，配上鱈魚片，放落口個下香味直頭係由鼻腔噴出，好正！
張貼
