羽山冰室 (已結業)

羽山嘅午餐同下午茶都經常食，早餐時段幫襯都真係第一次，鋪仔細細，但裝修係幾有特色，用色令人感覺好精神，而家佢哋長期播廣東歌，我個人係好欣賞嘅朝早嗌咗雞扒包同凍奶茶個包絕對保持一貫高水準，包烘脆咗，雞扒煎得啱啱好又夠香，中間夾咗蕃茄同生菜，沙律醬夠得嚟唔過多，而且勁大份，成個食晒真係好夠飽！杯奶茶茶味夠，奶夠多，又唔怕太甜，用鋼杯好保持到冷溫，好飲！另外想讚下老闆，殷勤、快手同爽快！一定會繼續支持呢間小店！