味 日本料理 (已結業)

疫情持續惡化香港一日已經開始每日都係叫外賣或者屋企煮 餐餐都自己煮 開始好悶不如試吓喺尖沙咀嘅日式外賣小店 唔好睇佢哋環境好簡陋佢哋嘅師傅好有心機煮每一道菜特別鍾意佢哋嘅燒叉燒外皮香脆有蜜糖味而且切得好薄好容易入口 足足等咗15分鐘先有得食即叫即整㗎日本嘢點少得刺身拼盤 三文魚油脂分布平均甜蝦好黏口 彈牙 全部都好新鮮朱軟骨烏冬佢哋嘅湯底用咗好多豬骨去煲全部都真材實料㗎好味到連個湯都飲埋食飽之後食返個芝士年糕做甜品年糕唔會太油膩芝士味夠晒香濃真係食得一份都仲得呀😋