影片
更多
2021-09-27
46 瀏覽
琴晚喺何文田見完客，見肚餓就搵嘢食，見到路過有間話試業中嘅新開日本嘢，睇Menu覺得好吸引，於是就入咗去啦～首先係一個開胃菜，係蔬菜條點魚醬，魚醬好香好鮮，配搭上生既蔬果條感覺好清新，成件事好夾👍然後我地就叫左個炙燒壽司盒，一共有8件壽司，每款兩份，有我最愛既中拖羅、燒帶子仲有油甘魚同三文魚腩，正正係心目中top4魚生，超岩我口味👍而且燒得好好味，火炙煙薰味中仍有魚既鮮味，高質👍之後叫左杯野飲，係柚子梳打，個杯好特別，底部係有富士山既模型，再加上店家既燈光配件，成個杯發光咁好靚～非常打卡able，好似夕陽下金黃色既富士山咁😆令人超掛住日本。接住我地就試下呢度既燒串燒，因為上次係一間居酒屋食過一個燒白鱔覺得好味，今次黎呢間居酒屋就試下佢手勢。果然無令人失望！味道好驚喜，調味好出色，椒鹽之中帶有點麻辣果種麻感，但又唔係辣既，成個口感好正！令人食過返尋味～白膳都好新鮮，值得encore。之後因為太耐冇食鵝肝，見到餐單上面有得叫就即刻落單啦～呢個鵝肝多士超級抵食，首先本身已經係鵝肝嘅醬，份量有好多，上面再有完整嘅一塊鵝肝，仲有好多塊多士，鵝肝醬絕對足夠搽晒咁多塊多士，鵝肝醬嘅味道亦都整得非常好
首先係一個開胃菜，係蔬菜條點魚醬，魚醬好香好鮮，配搭上生既蔬果條感覺好清新，成件事好夾👍
然後我地就叫左個炙燒壽司盒，一共有8件壽司，每款兩份，有我最愛既中拖羅、燒帶子仲有油甘魚同三文魚腩，正正係心目中top4魚生，超岩我口味👍而且燒得好好味，火炙煙薰味中仍有魚既鮮味，高質👍
之後叫左杯野飲，係柚子梳打，個杯好特別，底部係有富士山既模型，再加上店家既燈光配件，成個杯發光咁好靚～非常打卡able，好似夕陽下金黃色既富士山咁😆令人超掛住日本。
接住我地就試下呢度既燒串燒，因為上次係一間居酒屋食過一個燒白鱔覺得好味，今次黎呢間居酒屋就試下佢手勢。果然無令人失望！味道好驚喜，調味好出色，椒鹽之中帶有點麻辣果種麻感，但又唔係辣既，成個口感好正！令人食過返尋味～白膳都好新鮮，值得encore。
之後因為太耐冇食鵝肝，見到餐單上面有得叫就即刻落單啦～呢個鵝肝多士超級抵食，首先本身已經係鵝肝嘅醬，份量有好多，上面再有完整嘅一塊鵝肝，仲有好多塊多士，鵝肝醬絕對足夠搽晒咁多塊多士，鵝肝醬嘅味道亦都整得非常好，非常惹味，但係又唔會令人覺得係好油膩嘅感覺，就算落好多同埋加埋鵝肝落去，都唔會話覺得好肥膩，我哋係完全清晒成個鵝肝醬！超好味。
最後我哋就叫多個甜品作結，叫咗個經典嘅日本黃豆缺餅，呢個缺餅做得幾好味，口感唔錯，夠煙韌，但係又唔會太過硬，有日本嘅風味！
滿足嘅一餐👍👍😋
張貼
