愛上米線 (香港仔中心) (已結業)

今日做野經過見到餐廳個裝修好得意，因為好小米線舗個裝修咁有特色，於是就畀吸引左入去食。一入去侍應就好熱情咁招呼我地，細心咁介紹餐牌嘅食物，仲介紹餐廳可以任加米線同白飯。不過真係估唔到餐廳嘅白飯係用日本珍珠米，湯底係自家製唔加任何味精。跟住經餐廳叫左幾款野食，都真係幾有驚喜!!!辣椒炒肉拌米線即叫即炒嘅辣椒炒肉，一上枱已經聞到香味，入口超級香口，辣度岩岩好完全唔會嗆喉。米線加入餐廳嘅秘製嘅醬油，同辣椒炒肉好夾，兩者非常配合得岩岩好，餐廳仲可以任加米線，岩哂米線FANS話梅小番茄另外套餐其中一樣包嘅小食就係話梅小番茄，呢個小食通常係高檔中菜館先有，餐廳醃得岩岩好，唔會太甜，入口清涼，食緊辣椒炒肉拌米線配呢個小菜簡直一流