曜謨串燒居酒屋

營業中

休息中

平時都好少會去西環，今次去探下朋友隨便食埋晚餐，我就去左朋友介紹嘅《曜謨》。淨係睇個名就估唔到食乜，原來佢地係食日式串燒嘅居酒屋。價錢相當親民，一於食餐飽。前菜$18青瓜雪梨蘿蔔，加上自家製嘅麵豉醬，開胃小食雞翼串 $36外層燒到好香脆，咬開裡面雞肉又鮮嫩多汁，好值得一試。月見豬肉棒 $38用豬肉碎整成嘅豬肉棒，外層燒到微焦，內層肉質好有嚼勁。食之前攪拌好日式生雞蛋再沾下蛋醬一齊食，口感會順滑好多。雞頸肉串 $32呢個部位嘅肉真係都好特別，我都係第一次食，肥瘦適中咬落有嚼勁八爪魚燒餅 $28用蛋漿混合八爪魚粒煎成燒餅，上面再加入木魚片。木魚片受熱氣推動變得好似識郁咁，好得意。食落蛋香味好重，內裡又好鬆軟，八爪魚又好彈牙。燒廣島蠔串 $38師傅預先用竹簽串起廣島蠔，咁食戈時就方便好多。食之前加幾滴檸檬汁，蠔身好飽滿蠔味又重。牛舌心串 $58雖然係厚切，但係食落其實好軟腍，牛肉味重又多汁。汁燒日本豆腐串 $28估唔到豆腐都可以燒到咁香脆，外層吸引哂秘製醬汁，食落咸香味一流。芝士燒牛油果$28燒牛油果又真係第一次試，平時居酒屋都好少會見到。上面放左芝士再燒乾，芝味濃郁，然後牛油果肉又好幼滑。