Co-Dining Space (已結業)

Co-Dining係尖沙咀既商業大廈搭𨋢試去，唔係商場鋪、唔係地鋪，所以一般比較少就咁walk in既街客，多數lunch同tea time比較多係附近番工既熟客仔幫襯。雖然鋪仔細細位唔算多，但多數都係番工客所以食得快、走得快，翻枱快。無論係飯定意粉，份量夠晒大，雞扒飯有2塊雞扒咁多，塊皮仲煎到脆卜卜好香口。薄西冷都有5塊，份量好足夠。個餐湯要+$6，一樣好飲，南瓜湯甜甜地。環境裝修舒服，食物擺盤靚，影出黎都唔似平民價錢，有誠意之選！順帶一提，佢個黑松露沙律醬配炸粗薯好好食！真心推薦！