Yo爺食堂

營業中

休息中

呢間店我第一次幫襯，呢間店叫( Yo 爺食堂 ) 起美居中心則門位置，自己唔係果度居民所以好少入去。呢兩晚都夜食飯，周圍行下，見到美居中心暗暗既中庭有一間小店，見到有雞蛋仔，格仔餅，手抓餅，有丁麵餐，仲有飯，都係港式風味。一次過點左餐腸蛋丁麵，連一杯奶茶，仲有格仔餅同手抓餅，其實係會好飽，但唔知點解想試一試同埋呢兩日見到咁多香港人離港想支持下本地小店。老板娘勁好禮貌，會提我錫蘭奶茶係會淡啲，驚我唔岩飲。返到屋企，先睇格仔餅同手抓餅，熱辣辣，大大件，即叫即做，冇偷工減料既。令我覺得要出po推薦係個麵，一向覺得食店有冇心做，最基本既野就睇得出，今時今日食餐腸麵，會煎香午餐肉同條腸真係唔多，茶餐廳都未必會。價錢唔係加埋仲平過去附近間來多客食個餐，誠意推薦。