HMV Dog (已結業)

由於最近某電信商既宣傳活動，我就去左銅鑼灣既hmv換戲飛，講真已經好耐好耐無踏足過唱片店了而家既HMV唔止淨係賣唱片，更有精品，小食及餐廳！換完戲飛行過見到好大個廣告寫住$5 hotdog，即刻企定定望清楚，5蚊喎，咪仲平過ikea，其實唔係肚餓，但好奇心驅使下就決定買黎試下唔駛等即刻就有得食，size比ikea細，絕對只可以係小食，但呢個價錢想點先～腸係法蘭克福腸，面包十分鬆軟，而且仲係熱辣辣，旁邊有多種醬汁可隨意添加。仲有一兩張枱可以坐下，絕對有誠意！