山系。本舍

營業中

休息中

剛剛去完日本番黎，仲係對日本野念念不忘😋係太子做完野，經過呢間餐廳，好有日本居酒屋感覺，餐廳坐位吾多，但設計好日本風，坐得好舒適。咁岩我前面有個魚缸，好多魚仔游黎游去，食野之餘又多一種享受😍好欣賞佢的menu 係人手寫，字體好工整，餐廳的托盤都係有餐廳名，好有誠意。見到佢的串燒有d特別的種類，一於挑戰下😆燒雞心串: 真係第一次食雞心❤️原來口感係爽爽地，幾得意。燒雞尾串:都係第一次食燒雞pat pat😂😂入口即溶的感覺，燒汁的調味幾惹味，可以一試。山系燒雞皮: 我本身吾食雞皮，不過係朋友大愛，我就一於試下。雞皮燒得好脆口，吾講都吾知係雞皮，但食到最得有一股濃郁的雞味，我都係試一次就夠🤣另外叫左燒香葱玉子，燒五花腩，蟹肉忌廉餅。餐廳吾同串燒都有吾同的調味，好有心思。燒五花腩好食！燒得好香之餘，五花腩半肥瘦，好juicy啊😍蟹肉忌廉餅好creamy，仲即叫即整熱辣辣。手工櫻花蝦醬伴凍豆腐:見到好多人推薦就試下先，果然櫻花蝦醬咸咸香香，拌豆腐一流👍🏻最後叫左個高湯日本沙白蜆同關東煮牛肋條。沙白蜆粒粒都好飽滿，個湯好甜。牛肋條都好惹味好淋。好有誠意的小店，真係好似去左日本居酒屋一樣！😆