鳴虎 (北帝街) (已結業)

今日約左人係土瓜灣交收，所以就係土瓜灣附近搵食，係日本返黎之後都冇食過拉麵，今晚好想食拉麵，係最多野食既北帝街見到呢間拉麵店，座位唔多，只有十多個，拉麵款式都唔算多，不過係一間好有誠意既小店。鳴海老 – 蝦味噌豬骨湯拉麵成個湯都係蝦味，應該用左好多蝦淆製出黎，湯底超濃郁，叉燒好腍，肥位有少少燶邊，好香，流心蛋熟度啱啱好，麵條係選用比較幼身既麵，都非常爽口彈牙。綠虎 – 四國香蔥油拉麵而呢個四國香蔥油拉麵既味道比較清新，只係用左蔥黎調味，雖然只有蔥調味，但係都夠哂香口。