R.I.M.K (已結業)

今日同朋友嚟到旺角，收左工想食餐飯，又想輕輕鬆鬆坐低傾吓計，就搵咗呢間類似Cafe嘅餐廳～ 裝修有心思，擺左好蟹植物，感覺幾舒適。仲有窗台位，可以一路食，一路望住街景，幾寫意(^-^)主菜非常吸引😍 打頭陣係「招牌名古屋蒲燒鰻魚蛋包意大利飯」$158🐟賣相好吸睛，大大碟。一整條蒲燒鰻魚，食落去嫩滑，無骨易咬，熱辣辣又juicy。最欣賞係個飯底，用左意大利飯，加埋芝士一齊煮，食落更有口感，有別於其他嘅cafe☺️「蒜香辣椒蜆肉意大利粉配炸軟殼蟹」$138🦀用左熱石鍋上，又靚又有誠意，可以保持住意粉嘅溫度🤣 金黃色既軟殼蟹炸至外脆內軟，夠蟹味。意粉炒得乾身，帶有微辣味，刺激食慾，好開胃，令人一啖接一啖，好快就食哂😝「香草蜜糖無激素雞翼」$58🍗雞翼有5隻，份量都夠。煎至外皮香脆，用左無激素雞翼更加健康😌。