Second Bite Bar & Cafe (紅磡灣中心) (已結業)

放假入黃埔搵朋友，佢哋話食過呢間cafe覺得唔錯，於是乎我哋就嚟咗。果然冇介紹錯，餐廳環境闊落幾好坐🛋menu選擇較多，有輕食、飯同意粉等，飲品亦都比出面cafe有誠意～⭐️煙三文魚酸種包用咗酸種包較特別，幾有咬口但又唔韌。煙三文魚超大塊鋪喺面，配上酸酸甜甜嘅醬汁同爽脆嘅沙律菜食，超級refreshing🍃⭐️炸蛋豬扒飯本身諗住應該都幾油膩，點知食落又唔會喎🤩個炸蛋口感好正，最愛食酥酥脆脆嘅蛋緣！豬扒好大件，肉質唔乾柴，入口滿口油香，好邪惡😈⭐️椒麻豬頸肉意粉豬頸肉炒至入味，肉質爽彈。用咗個辣辣哋嘅醬汁去煮，好惹味🤤⭐️All day breakfast炒蛋嫩滑，炒野菌菇香濃郁，牛角包外脆內鬆軟👏🏻⭐️鮮奶冷泡茉莉解膩一流，比一般奶茶fresh，茉莉花香持久🪷