仨

營業中

休息中

今日試咗一間位於深水埗嘅西餐廳，真係麻雀雖小五藏俱全，因為呢間餐廳好細間，不過啲嘢食做得唔錯。因為選擇困難症唔知揀乜嘢色好，所以就直接問店員姐姐，店員姐姐好Nice，佢好細心問咗我對食物有咩喜好之後就介紹我是佢呢一個豬手酥，就係上面幅相左手面嗰一件，其實佢係用酥皮包住手撕豬手肉，塊酥皮焗得好脆，索索聲，不過最正係佢薦底嗰個Cranberry汁，酸酸哋襯呢個肉卷非常好，而佢成碟最勁嘅就係右手邊長方形有三點紅點嗰舊嘢，其實係千層薯仔，味道層次感都一流，八卦問店員姐姐先知原來呢個千層薯仔做法非常之繁複，唔怪得知咁好食啦。另外佢舖頭入面都有好多唔同款式嘅蛋糕，可以堂食或者買走。