Space² (已結業)

朋友約食早餐，仲行去灣仔同金鐘之間唔三唔四距離兩個地鐵站中間，大熱天時行到身水身汗，好奇個朋友做乜要約咁吊腳之處！？一入去店舖唔大，四五張枱，但佈置得己有巴黎咖啡店茶座感覺，用淺藍色做底色主調。朋友已經叫咗個類似雞扒炒蛋、另一個係煙三文魚牛角包、我遲到，見到餐牌竟然有漢堡包，就是最簡單的，胭脂有冇料到。朋友話佢嘅雞扒好食但係我食落去都係大路貨，冇乜特別，但叫做有用心煎香左有啲金黃色，唔太乾身，火喉處理得好。合格！個煙三文魚牛角包，就明顯係來貨加工，都唔使－唔會係自己做包。同我個漢堡包出場，包身係有立體感，鬆軟嘅，重點係一切開個厚身漢堡牛扒，有少許肉汁流出，一入口，好熱，令到口感好充實，亦都因為廚房控制個火好明顯係有功力，火喉夠！所以能夠逼出漢堡牛扒裏面嘅脂肪香味。因為已經十點幾，客人唔多，得兩枱，我廚房類似大廚的後生仔，出咗嚟樓面，傾左幾句原來就係負責廚房既，我估係老闆之一，因為都見到真有心，佢想同客傾，及了解客人嘅評語，得知啲漢堡牛扒係自己用安格斯牛肉攪的，難怪咁有質素。但好奇怪，早餐我杯咖啡係要另外加錢計的。