閨蜜x沐牧農場 (已結業)

今日到左TEA TIME,好想同朋友飲杯野,又想食少少野。對食物好有要求既我想食好野,但飲品店又冇乜小食岩我。今日發現左呢間開張左冇幾耐既小店,見佢個LOGO好有香港特色,係NEON LIGHT整成既LOGO呀!睇黎佢想打造個香港飲品品牌咁。我叫左杯ROSE奶蓋ROSE 鐵觀音,店主好好地問我飲唔飲到ROSE味,我先發覺原來唔單止奶蓋有ROSE味,茶都有。D奶蓋好綿密,平時我叫芝士奶蓋會急住飲完D奶蓋因為佢好快沉到底,同D茶MIX埋一起變到好難飲。但呢隻奶蓋竟然冇,我飲到底仲有D好綿密既奶蓋呀!係奶蓋愛好者既福音。原來係佢調配出黎既!我朋友就叫左杯新鮮水果紅茶,有PASSION FRUIT有士多啤梨有藍莓,係我同我朋友都好愛既生果呀!於是我就同我既閨蜜SHARE左黎飲,我地叫左杯大既,SHARE完岩岩好!我地仲叫左個朱古力及椰香奶法式吐司,兩隻都係台灣製,個醬好SMOOTH.加上佢一烘完就上,D醬溶溶地,好好食!呢度有D HIGH TABLE比客人企係度食,成個感覺好好呀!唔使趕住走咁。呢個老闆娘同我仲好投緣添,今日講左好多自己創業既理念比我聽,好有心呀!希望第時仲會遇到呢類型既店主。