誠拉麵 (已結業)

同朋友去AEON行街，見到呢間日本過江龍拉麵，決定試一試。我叫咗白豚骨拉麵，朋友就叫咗赤豚骨拉麵。我地都加咗$15要埋日式沙律，餃子同汽水。~白豚骨拉麵有海苔3片，木耳絲，蔥，半熟雞蛋一隻，叉燒3片。湯底好濃郁，好重豚骨味，但食落唔會太咸，味道啱啱好，都唔會太油膩。拉麵嘅質地較幼身，軟硬度適中。叉燒都好大塊，肉質鬆軟。半熟雞蛋係我最愛，採用日本雞蛋，蛋味濃郁。木耳絲好爽口。~赤豚骨拉麵配料一樣，湯底有少少分別。加咗辣，食落更加惹味。~餃子即叫即煎，煎得好香脆。餃子皮好薄，餡料好多，食落好juicy。值得一讚，員工嘅服務態度好好。下次一定會再幫襯。