Return Coffee 362

營業中

休息中

一直以為荃灣都剩係得啲工廠大廈，今日去荃灣行街，經過工廠區，有驚喜發現，見到一間麻雀雖小，五臟俱全嘅咖啡廳，把心一横就決定入去試吓，點知發覺食物充滿驚喜，而且充滿誠意，所以寫呢一篇食評，推介各方朋友去食。首先，今日食咗佢嘅忌廉大蝦蟹子炒意粉，食得出佢嘅忌廉，唔係普通出面餐廳嘅罐頭忌廉湯，應該係佢自己調出嚟嘅忌廉汁。而且佢嘅意粉好有嚼勁（Al Dente),估唔到荃灣竟然有間咁嘅臥虎藏龍嘅餐廳。既然食得意粉，就梗係要試吓佢啲嘢飲啦。我自己個人喜好本身鍾意飲tonic coffee, 佢個咖啡我覺得都新鮮係即磨咖啡，唔係磨完Hea一陣先再拎去煲嘅咖啡。而且配埋tonic water 酸既味道，令咖啡嘅香味更加突出。對於一間普通咖啡室來講，我覺得佢已經好有心機做好每一份食物同埋嘢飲。值得一試。