招點薈 (已結業)

琴日經過柯士甸站附近發現一間新開嘅西餐廳，因為玉器市埸成條街附近都無食肆，所以佢果一點光好突出吸引我去，門口裝修好雅緻，簡約裝修嘅coffee shop，樓底高，坐得舒服。有晚餐有午餐都有下午茶，價錢都唔係貴，下次會嚟試下。頭盆係醃製刁三文魚蟹籽沙律$85上枱好靚亦都好好食，醃料嘅汁好開胃但又唔覺酸，用料新鮮加上佢用上一啲菇，所以比較特別，好好味。蘑菇牛柳意大利麵 $125上枱賣相唔突出，但超級驚喜地好食，佢嘅忌廉汁結合左蘑菇嘅香味，牛柳粒份量足夠，食到尾都仲有牛柳粒。意式香草汁香煎新鮮石斑肉$160上枱賣相唔錯，石斑肉夠滑身又唔嚡口，伴菜有心思，整體非常滿意。店主更從澳洲咖啡比賽得獎，所以叫左杯咖啡試試，果然香味四溢，值得再嚟食，支持小店。