紅橋 (已結業)

第二次唻紅橋食，上次食晚餐，今次食午餐。首先一讚既係呢度侍應比例比其他餐廳多，基本上一揮手就一定有人見到，並且好快serve 到你，唔會出現其他餐廳揮到手軟都冇人理既情況。午餐有得揀中湯西湯，又係值得讚，因為西湯有時覺得太heavy, 中湯好似清淡啲。今次係粟米紅蘿蔔湯，唔算好好飲，但起碼飲完唔覺好頸渴，應該冇落太多味精。跟住講到主菜，日式咖喱牛肉焗飯，一唻已經俾佢個size嚇親，好有份量，同埋真係啱啱焗出唻，個面啲芝士仲係好脆。入面既牛肉又多有大塊，仲要唔靱，牛味唔好好重，但呢個價錢，有咁既量同成熟既煮法，仲想點。食係炒飯底，粒粒分明，仲食到有蛋絲，咖喱味唔太重，但可以接受。總括唻講成餐飯都覺得間餐廳好有誠意，款式又多，性價比極高，絕對可以推薦同翻撻！