Friendmily (已結業)

店內坐得舒服，服務好好，食物比預期中都好 (可能呢排中伏太多，唔敢有太高期望)一份羊架（5成熟），一份意大利飯，兩個都跟setset salad唔跟汁上 咁幾好，之後侍應抽住個籃，裝左芝麻醬同白式既普通沙律醬，兩個都好味。羊架有3塊，雖然好大舊但有2舊都比較多肥膏，鐘意既話會好岩食因為好夠羶，肥膏中有啲似膠咁既筋，好夠韌口。配水水的黑椒汁有啲古怪。羊架下面有薯格，應該係新鮮炸好，脆卜卜 唔沾茄汁都好正。意大利飯係全部熟曬既，幾好，但似係炒飯 有青豆紅蘿蔔粒咁。蟹肉拌咖哩醬汁整左係蟹蓋入面，個汁唔錯，撈飯一流。其實呢個應該叫咖哩蟹肉配飯，因為多汁拌落啲炒飯到，所以變左傳說中既意大利飯。總括黎講都唔錯，係配搭古怪小小。進步空間係有唔小既，但我諗個廚會係幾個月之後俾到驚喜大家，可以去支持下既。