上海姑娘 (已結業)

最近响東九龍一帶陸陸續續開咗一啲大型購物中心，對象主要係對家居生活有要求嘅中產一族。食肆亦林立，有好多都係第一次同香港市民見面。是晚差不多八點先可以放工，去到九龍灣都差唔多成九點鐘，好彩仲趕得切同阿K與及佢啲朋友一齊食晚飯。呢度食肆雖多，但序中仍亂，令初到「貴境」嘅我有點目眩。都係阿K頭腦比較清醒啲，終極裁決去食呢間上海食肆。呢個時候食飯嘅人已經唔多，所以我地獲分發「卡座」。「卡座」寬敞，梳化亦幾舒適，不過服務員十分大意，冇留意到梳化邊近罅位有污糟嘢。由於位處高層，極目欣賞維港夜景，也很醉人。我地前後落咗兩次柯打，因為每碟菜色都有點兒「精緻」。如是者我地點咗「上海小籠包」、「五香芝麻餅」、「蒜泥白肉」、「鹹肉炒菜飯」、「奶油津白」、「天府擔擔麵」、「酸辣湯」、「乾扁四季豆」、「上海粗炒麵」及「砂鍋獅子頭」。由於菜色數目眾多，我就揀一啲值得一提嘅要點同大家分享。首先係「五香芝麻餅」，初時我仲以為係一般嘅蔥油餅，但原來係兩碼子嘅事。餅身得芝麻之助，十分香脆，加上有一定厚度，故食落有口感；「鹹肉炒菜飯」嘅飯粒本身軟硬適中，飯係一粒粒嘅唔會黏埋一舊，亦唔會話炒得太濕，係水準之作；「上海粗炒麵」