鮨鮪居酒屋

營業中

休息中

朋友介紹呢間日本居酒屋非常有驚喜，性價比極高。店內裝修日本風格，非常舒適。店員熱情款待，照顧周到👍👍🌟海派甜筒🌟賣相同手卷好相似，唯獨是佢係一點米飯都沒有🤭全部都係新鮮嘅刺身，由鬆脆可口嘅銀鱈魚乾包裹住滿滿嘅海膽、吞拿魚蓉、三文魚籽，啖啖鮮味，全部都係我嘅至愛🤤🤤鮨鮪二人餐（HK$298）🌟蔬菜沙律🌟爽脆新鮮沙律，加埋黑醋，開胃醒神🌟吞拿魚甜蝦塔塔🌟呢個絕對喜出望外，脆卜卜嘅銀鱈魚乾上面鋪咗滿滿嘅吞拿魚蓉同埋甜蝦，鮮味十足，加埋脆卜卜嘅蟹籽，口感非常豐富😋🌟三式刺身🌟（三文魚、章紅魚、八爪魚）章紅魚片甘甜清爽，脂肪豐富，口感紮實，回甘味極重，八爪魚有淡淡的海洋氣息，彈牙有咬勁，三文魚夠哂肥美🤤🌟三式壽司& 芒士吉列蝦卷 🌟食親日本菜唔食米飯硬係好似爭緊啲嘢😂，赤海蝦、三文魚腩、章紅魚壽司同埋吉列蝦卷就係恩物，既可以食到新鮮嘅材料，又可以增加飽腹感🤭🤭🤭🌟芝士明太子玉子🌟玉子夠厚身，蛋味香濃又滑，滿滿既明太子同芝士，燒得啱啱好，有豐富嘅層次感，好好味👍🌟燒香草燒三文魚頭鮫🌟大大份嘅三文魚頭鮫，燒到焦香帶脆，三文魚肉夠哂肥美😍🌟牛奶布丁🌟自家製嘅牛奶布丁香滑好味