貓喵堡 (已結業)

滷肉飯個飯都係貓頭形，貫徹餐廳主題，全部都係貓。白飯混入咗紅米，感覺健康啲而且有唔同口感，伴碟有少許烚蔬菜，半隻糖心蛋，滷肉調味唔太濃郁，滷肉係肥瘦相間豬肉粒，有菜脯豆乾洋蔥一齊煮，餐廳烹調手法健康簡單，可以食到食材原味，偏向家庭式感覺而呢個家庭係有貓嘅，呢度嘅貓好多都係有經歷，所以唔好咁主動，好似喺屋企食飯就可以午餐可以半價轉餐牌上飲品，今次試下安睡茶，有花香同薄荷味，茶隔超可愛太濃味仲可以先放一旁，可以無限加熱水，我加咗幾次仲好濃味，店員都好樂意幫忙加水呢度嘅貓唔會好熱情主動接觸人類，可能都係過去由人類造成，好希望之後可以互相尊重