影片
更多
2018-05-23
379 瀏覽
除左不停地食外，我更鍾意揾D新的餐廳試下，因為好多驚喜就係咁黎！由於要同姊妹們傾下Big Day的野，所以我們極需要去D無限時間的餐廳，但大家都知香港人多成本高，好多餐廳都只係比大家坐90分鐘。係網上左揾右揾，我最終決定去到係佐敦地鐵站附近新開一排的私房菜。大家記住要預先訂座，因為餐廳無得Walk-in架！餐廳由星級大廚Jacky用超過25年於高級酒店的經驗主理，挑選當季的食材去準備Seasonal Menu。如果大家想知今期有咩食，可以到餐廳的Facebook專頁去睇睇。 今次的5 Course晚餐的前菜，我們揀左兩份超豪華的意大利雜莓果醋海鮮沙律。沙律所用的海鮮唔係一般的雪藏海鮮，而係煙三文魚、海膽、虎蝦刺身、阿拉斯加蟹肉！沙律菜新鮮，唔會有苦澀味，配埋酸酸地的雜莓汁真係好開胃。另外，我們仲揀左兩份油漬五味藍鰭呑拿魚配巴馬火腿·日本大拖羅他他田園沙律。點解揀呢個？因為我超級鍾意食呑拿魚蓉！食落就知我無點錯！呑拿魚的鮮味、巴馬火腿的鹹香、沙律的清新味非常合襯，真係超級好食！如果你鍾意食呑拿魚的，必試！餐湯方面，我們揀左兩碗法式干邑龍蝦湯及兩碗意大利黑松露野菌忌廉湯。兩者比較，我會比較
大家記住要預先訂座，因為餐廳無得Walk-in架！餐廳由星級大廚Jacky用超過25年於高級酒店的經驗主理，挑選當季的食材去準備Seasonal Menu。如果大家想知今期有咩食，可以到餐廳的Facebook專頁去睇睇。
今次的5 Course晚餐的前菜，我們揀左兩份超豪華的意大利雜莓果醋海鮮沙律。沙律所用的海鮮唔係一般的雪藏海鮮，而係煙三文魚、海膽、虎蝦刺身、阿拉斯加蟹肉！沙律菜新鮮，唔會有苦澀味，配埋酸酸地的雜莓汁真係好開胃。
意大利雜莓果醋海鮮沙律
16 瀏覽
0 讚好
0 留言
另外，我們仲揀左兩份油漬五味藍鰭呑拿魚配巴馬火腿·日本大拖羅他他田園沙律。點解揀呢個？因為我超級鍾意食呑拿魚蓉！食落就知我無點錯！呑拿魚的鮮味、巴馬火腿的鹹香、沙律的清新味非常合襯，真係超級好食！如果你鍾意食呑拿魚的，必試！
油漬五味藍鰭呑拿魚配巴馬火腿·日本大拖羅他他田園沙律
29 瀏覽
0 讚好
0 留言
餐湯方面，我們揀左兩碗法式干邑龍蝦湯及兩碗意大利黑松露野菌忌廉湯。兩者比較，我會比較鍾意龍蝦湯，湯唔算特別厚身，不過龍蝦的鮮味超級濃郁。不過食開淡味的朋友仔就覺得龍蝦湯稍為過濃，佢比較鍾意野菌忌廉湯。
法式干邑龍蝦湯
37 瀏覽
0 讚好
0 留言
唔似出面成碗都係忌廉湯，再加少少蘑菇作調味。呢碗意大利黑松露野菌忌廉湯係以不同的菇為主角，用忌廉作配襯，呢個程度的菇香，係一定要用大量的菇先出到呢個味，証明餐廳用料非常足！
意大利黑松露野菌忌廉湯
28 瀏覽
0 讚好
0 留言
到了First Course，我們點了兩份的鮮蝦冬陰功意粉及黑松露意大利蕃茄香草雲呑。用冬陰功煮意粉我真係第一次見，雖然無冬陰公汁浸住，不過意粉充滿椰香的冬陰公味，夠晒特別之餘又好食，我們四個都大讚有驚喜！
鮮蝦冬陰功意粉
18 瀏覽
1 讚好
0 留言
另一份First Course我們揀左黑松露意大利蕃茄香草雲呑，餡料都幾多幾厚，總共有四粒雲呑，個汁都幾香。
黑松露意大利蕃茄香草雲呑
15 瀏覽
0 讚好
0 留言
Main Course方面，我們叫左兩份香煎阿特蘭大鱈魚·香濃龍蝦汁。鱈魚非常嫩滑唔腥，魚皮仲好香脆，配住一樣鮮的龍蝦汁，有畫龍點睛之妙。
香煎阿特蘭大鱈魚·香濃龍蝦汁
17 瀏覽
1 讚好
0 留言
淨餘的兩位朋友仔就叫左燒Berkshire帶骨豬鞍配時令蔬菜。燒到金黃的豬鞍排非常香，加埋層次豐富的薯蓉，味道不錯。
燒Berkshire帶骨豬鞍配時令蔬菜
11 瀏覽
0 讚好
0 留言
豬鞍排唔會太肥有咬口，但又唔會燒得太乾。
最後，我們點的點品都到左了，呢份綠茶拿破崙係我特別期待的一個菜式。四層非常鬆脆的拿破崙夾住綠茶Mouse，味道唔算太甜。椰子雪糕的層次好豐富，除左入口即溶的雪糕外，仲有小粒的椰絲係入面。
綠茶拿破崙
17 瀏覽
0 讚好
0 留言
另外兩個朋友仔想食熱的甜品，所以就揀左焗肉桂菠蘿金寶伴自家手打雪糕。甜品選用新鮮菠蘿，加埋鬆化富牛油香的Crumble，配埋雪糕都幾好食。
焗肉桂菠蘿金寶伴自家手打雪糕
18 瀏覽
0 讚好
0 留言
整體黎講，我們4個人食左$1800到，以每人$450食到呢個質數都算唔錯，難怪咁多公司都會係餐廳包場。當然唔係餐餐食啦，不過我推薦比各位揾緊生日、週年紀念、求婚的話，呢到係唔錯的選擇。
==============================
鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
張貼
