亀井鮨 (已結業)

世貿中心翻新咗之後冇以前咁死氣沉沉，亦都多咗好多唔同嘅商舖。係行街嘅時候，無意之間發現咗呢一間過江龍，其實當時最吸引嘅位係亀井鮨係全港首間主打「生酮壽司」嘅舖頭，但係由於我真係好想食澱粉，所以最後都係嗌咗其他嘢，如果下次去嘅話一定會試一試。‣ 北海丼 $288每間餐廳嘅北海丼都會有啲唔同，例如有啲北海丼會有白身魚或者吞拿魚。而亀井鮨嘅北海丼有三文魚、帆立貝、蟹肉、蟹籽、日本海膽同甜蝦，咁啱都係一啲我好鍾意嘅刺身。三文魚嘅肉質細嫩，對我嚟講魚肉肥瘦適中，同時都帶有魚香，我忍唔住再額外嗌多咗幾塊三文魚。帆立貝質地相當柔軟，唔會有腥味。其他刺身就正常發揮，但海膽略嫌腥味較重。‣ 香蔥鮪魚腩蓉丼 $198食落去嘅時候覺得鮪魚腩蓉丼比起想像中出色，佢喺香蔥混合飯素，令魚香味道更加突出。而我覺得魚蓉食落去個口感相當之綿密，同時魚本身都好新鮮，所以每啖你食落去都會覺得好幸福。‣ 雜錦天婦羅 $128本身對天婦羅冇太大嘅期望，但我覺得係有驚喜。天婦羅外表睇落金黃酥脆，唔會覺得個炸衣太厚，食落去好似成口炸粉。最驚喜嘅位係佢真係可以保持到食材本身嘅口感同埋風味，就好似香菇，咬落去嘅時候啲汁係口腔入面爆發出