Beans Brekkie Room

營業中

休息中

閒日7點幾，兩位，唔洗排隊。用餐時限：90分鐘將軍澳popcorn哥間就食過好多次，今次黎到坑口站搵食，結果都係食返呢間飯堂。我的最愛，黑松露軟殼蟹意大利粉。一上桌就聞到好香黑松露味，意粉煮既時間岩岩好，唔會太腍。軟殼蟹新鮮炸得好香脆，配埋洋蔥蘑菇同埋黑松露醬汁，好味！新品，牛油果軟殼蟹意大利飯。一上桌，好大陣鹹香味😂意大利飯都做到表面柔軟，中間略帶米心，半熟既口感。牛油果食落無乜味，我估係用急凍運過黎既牛油果，不過食落都creamy，收貨啦。但係蟹肉就得少少，食落少少咸，整體不過不失。All day menu包一杯飲品：檸檬蜂蜜/黑糖薑母茶/美式咖啡叫左凍檸檬蜂蜜，非常甜，一路飲一路溝水落去飲，變相好似飲左兩杯咁😂甜得黎都飲到好香蜜糖味，不過怕甜就記得要叫少甜。餐廳雖然唔係好大，不過枱同枱之間都有空間，唔逼，中間長台用膠板分隔，私隱度又再高dd，裝修簡潔，光猛，用餐環境舒服。值得讚既係唔會因爲越開越多分店而食物質素下降，Beans係我將軍澳區既飯堂，希望佢繼續keep到呢個水準啦。