WM Café & Bar (雅濤居購物商場)

營業中

休息中

馬鞍山呢間餐廳唔係火車站果個商場，係要過條馬路嘅一個小型屋苑商場地下。午餐餐牌都係大眾化嘅價錢，但係野食並唔輸蝕。個龍蝦湯份量係比較細，不過都證明佢係有用料，係新鮮好飲嘅， 配埋個蒜蓉包，正。叫左個牛扒配意粉，醬汁有得揀，揀左黑松露汁，黑松露味就真係唔係太重。佢意粉係偏硬嘅，呢個睇個人口味，我就最憎淋嘅意粉，佢呢個口感就好啱我。個牛扒都ok，唔算肥。野飲揀左西柚蜂蜜綠茶，呢個凍飲唔洗加錢，唔會好甜，唔差。整體黎講，性價比高，經過馬鞍山食可以試下行遠少少，食呢間啦。