Jules Bistro (已結業)

呢間法式小館，午飯時間竟然得幾枱客，可能因為冇 set lunch 價位又比較高，兼且可能小本經營餐牌選擇唔多。叫咗燒雞同烤豬扒。上主菜前有麵包食，麵包普通但牛油又香又滑又軟，為咗食牛油食咗兩籃麵包!上主菜時肉同配菜同薯仔全部放喺一個餐盆入面，好有家庭feel! 蒜蓉烤蕃茄同炒豆不俗，烤薯片有好香忌廉味，炸薯條似係自家製，食落好實淨，似原隻薯仔切條再炸!烤雞入味，豬扒似係七八成熟，厚身但唔硬有肉汁，唔錯!甜品叫咗朱古力焦糖批，唔太甜又有朱古力同焦糖香。有質素嘅法式小館，希望生意好啲，頂得住貴租啦...