好運泰國美食 (已搬遷) 新店位置

今日老闆生日，開大食會，因為我地公司都有三四十人，所以叫左幾間餐廳既野食，不過令到我最深刻就係呢間泰國菜，佢哋炸嘢炸得好出色 ，我分別試咗芝士蝦丸 ，蝦餅同埋香茅雞翼 ，三樣都炸得好香口又唔會太燶 ，蝦膠打得好彈牙 ，最令我回味就係芝士蝦丸， 入面有濃郁嘅芝士同埋牛油， 咬落去嘅時候 啲芝士同埋牛油喺口腔爆出嚟真係好過癮 ，另外試咗海鮮炒飯同埋乾炒牛河亦都好好味 ，以後食晏又多一個選擇啦價錢就唔清楚喇，因為老細請嘅，老細萬歲！！