影片
更多
2021-05-13
68 瀏覽
燒味舖周圍都有，但並唔係每一間都好食，而近期呢間「大壹燒鵝」係我試過唔錯。當日我純粹食個晏晝，咁就叫左燒鵝瀬粉加杯杏霜，呢個餐$58，比較大碗少少。其實睇賣相都贏左唔少，食落皮脆，又有些小肉食。我試過食一間嘅燒鵝係大部分都係皮，冇肉食。而呢間恰到好處，旁邊仲有幾條榨菜，食完唔會膩。碗瀨粉都幾多份量，對於我就剛好。另外，朋友就叫左個油雞燒腩下午茶$45，個粉會相對比我個個份量少，不過主角油雞，燒腩都不錯。油雞肉質唔算柴，燒腩仔個皮如果再脆啲就仲正。會附上各種醬汁杏霜愛好者一定會鐘意飲，呢一杯係勁濃杏味，冇咩溝花奶，擺一陣會見到一層衣。已經好耐未飲過足料杏霜，但相對會較甜。凍飲阿華田味道同平時飲嘅差唔多。如果想食個普通下午茶，呢度絕對係唔錯嘅選擇。
當日我純粹食個晏晝，咁就叫左燒鵝瀬粉加杯杏霜，呢個餐$58，比較大碗少少。
其實睇賣相都贏左唔少，食落皮脆，又有些小肉食。我試過食一間嘅燒鵝係大部分都係皮，冇肉食。而呢間恰到好處，旁邊仲有幾條榨菜，食完唔會膩。
碗瀨粉都幾多份量，對於我就剛好。
另外，朋友就叫左個油雞燒腩下午茶$45，
個粉會相對比我個個份量少，不過主角油雞，燒腩都不錯。
油雞肉質唔算柴，燒腩仔個皮如果再脆啲就仲正。
會附上各種醬汁
杏霜愛好者一定會鐘意飲，呢一杯係勁濃杏味，冇咩溝花奶，擺一陣會見到一層衣。
已經好耐未飲過足料杏霜，但相對會較甜。
凍飲阿華田味道同平時飲嘅差唔多。
如果想食個普通下午茶，呢度絕對係唔錯嘅選擇。
張貼
