孖寶 (已結業)

今晚想食下西餐，上水嘅西餐唔係太多選擇，經過門口見到個二人餐餐牌菜式都幾吸引，於是就入咗嚟食晚餐。其實餐牌上款款主菜都好似唔錯，都好想食，好不容易終於揀到兩款主菜，可以落單。餐湯/沙律個凱撒沙律都唔錯，上面嘅醬汁，芝士碎，煙肉碎，麵包粒等等，令沙律變得豐富。安格斯肉眼扒 （10安士）配牛肝菌汁牛扒肉質軟腍，有肉汁，而且就份量，令人食得好滿足。龍蝦汁虎蝦意大利飯呢個意大利飯好creamy，龍蝦汁味道濃郁，又夠多，沾滿每一粒飯，好好食。虎蝦都幾大隻，蝦肉口感彈牙。紅豆芝士蛋糕。芒果芝士蛋糕甜品係兩款芝士蛋糕各一件，覺得兩款都好食，唔會太甜，又有芝士嘅濃厚口感。飲品就點左熱咖啡同熱檸水。